Ingredientes (para 1 persoa)

• 1/4 de quilo de ameixas
• 3 dentes de allo
• Aceite de oliva virxe extra
• Auga
• 1 chorriño de viño branco
• Pirixel
• Chile (opcional)

Modo de preparación

Quenta un pouco de aceite nunha tixola e engade o allo e o chile ben picados. Cando empecen a dourarse, incorpora as ameixas. Despois, engade un chisco de auga e o chorriño de viño branco e espera a que reduza. Non esquezas tapar ben a tixola!

Cando as ameixas estean abertas, retíraas cunha escumadeira e colócaas nun prato. Engade un pouco de pirixel á salsa resultante e déixaa ao lume arredor dun minuto. Por último, rega o prato con este mollo.