Polbo con garavanzos
Se te animaches a preparar polbo e sobrou, proba este guiso exprés. Estará listo en menos de dez minutos!
Ingredientes
- 1 pata de polbo
- 1 presa de garavanzos cocidos
- Media cebola
- Tomate triturado
- 1 vaso de auga ou caldo de peixe
- Sal
- Comiño
- Aceite de oliva
Modo de preparación
Nunha tixola cun chorriño de aceite engade a cebola ben picada. Cando comece a dourarse, agrega o tomate triturado, os garavanzos e unha chisca de sal. Cociña todo a lume forte durante un minuto, no que podes aproveitar para cortar o polbo en pequenas rodas.
Despois, engade o polbo, un vaso de auga (ou se o tes, o caldo de peixe) e o comiño e deixa que se cociñe durante cinco ou seis minutos a lume maino.