Unha receita sinxela e para calquera momento. Pon atención e sigue os pasos. 

Ingredientes

• Medio quilo de lura
• 1 cebola pequena
• 1 dente de allo
• 3 tomates
• Alfábega

Modo de preparación

Pica a cebola e o allo e sofríteos nunha tixola cando estea ben quente. Corta a lura en aros e engádeos para refogalos durante uns minutos.

Mentres, rela os tomates. Se non tes un relador, podes picalos ben finos coa axuda dun coitelo. Agrégaos á tixola e deixa todo no lume ata que vexas que os aros de lura están tenros. Xa no prato, decora coa alfábega ao teu gusto.