Ingredientes

• 2 latas de berberechos ao natural
• 1 lima
• Sal
• Aceite de oliva virxe extra

Modo de preparación

Coloca os berberechos nun recipiente, engade dúas ou tres culleradas do líquido da lata e unha cullerada de aceite de oliva. Despois, espreme ben a lima sobre os berberechos. Se es dos que non lles gusta a polpa, emprega un espremedor!

Deixa macerar todo arredor de dez minutos no teu frigorífico. Cando pase este tempo, retíraos e engade unha chisca de sal antes de servir.

Truco Vai de peixe: este prato xa ten moito sabor por si só, pero se te animas, podes engadirlle un toque picante con caiena ou chile ben picado.