Ingredientes

• 1 ración da túa pasta preferida
• 1 vaso de caldo de peixe
• 1 lata de mexillóns ao natural
• 1 pemento italiano vermello
• 1 dente de allo
• Pirixel
• Aceite de oliva

Modo de preparación

Pon a cocer a pasta en auga abundante cunha presa de sal. Nós escollemos espaguetes.

Mentres tes a pasta no lume, quenta nunha tixola un chorriño de aceite de oliva, sofrite o dente de allo ben picado e doura un pouco o pemento cortado en rodas.

Cando a pasta estea lista, volve a metela na pota, engade o caldo de peixe, o contido da tixola e os mexillóns previamente escorridos. Remove todo ben ata que o caldo se evapore. Por último, decora no prato co pirixel.