Logo de preparar esta receita démonos conta de que non pode ser máis sinxela. Anímate a cociñar!

Ingredientes

• 1 San Martiño (pide na peixaría que o limpen e preparen para facer o forno, así a preparación será aínda máis doada e aproveitarás todo o peixe)
• Aceite de oliva virxe extra (AOVE)
• 2 dentes de allo
• Pirixel picado
• Sal
• Limón
• Un vaso de viño branco

Modo de preparación

1. Acende o forno e pono a quentar a 180º.
2. Mentres, prepara unha salsa con todos os ingredientes (menos o peixe). Ten que quedar todo ben picado e mesturado.
3. Nunha fonte de forno pinta o fondo con AOVE, pon o San Martiño e baña coa mestura.
4. Mete a fonte no forno: 20 minutos polo primeiro quilo de peixe, se pesa máis recorda engadir 10 minutos por cada quilo ou a parte proporcional do peso en tempo.
5. Servir cunha ensalada ou con arroz branco.