Xarda en papillota de verduras
Esta sinxela receita permitirache saborear un dos peixes que máis omega 3 achegan ao organismo.
Ingredientes
- Dúas xardas fileteadas sen espiñas (pídeas así na peixaría).
- Pemento vermello
- Cenoria
- Cabaciña
- Limón
- Cebola
- Sal
- Pementa
- Aceite de oliva
- Papel de aluminio
Modo de preparación
Mentres quentas o forno ata alcanzar os 200 graos, corta á xuliana o pemento, a cenoria, a cabaciña e a cebola. Limpa os filetes ou lombos de cabala e sécaos. Corta o limón en toros finos.
Estende o papel de aluminio, un para cada lombo. Coloca nel unha cama coas hortalizas cortadas á xuliana e sobre elas, o lombo de xarda. A continuación coloca uns toros de limón e salpementa cada peza engadindo un chorro de aceite de oliva. Para facer a papillota, dobra o papel de aluminio e pecha e sela cada lombo coma se fose un paquete.
Colócaos nunha bandexa e introdúceos no forno previamente quentado. Tras 12 minutos estará listo para servir.